Məktəbimizdə böyük bayram tədbirləri keçirildi
Martın 19-da məktəbimizdə Novruz bayramı qeyd olundu. Əvvəlcə məktəbin foyesində “Milli adət-ənənələrimiz şagirdlərin gözü ilə” başlığı altında şagirdlərin əl işlərindən ibarət sərgi nümayiş olundu. Sonra şagirdlərimizin hazırladığı musiqi nömrələrinə, şeirlərə, təqdimatlara, rəqslərə baxış keçirildi. Keçəlin, Kosanın və Bahar qızının gəlişi bayrama bayram qatdı. Məktəbin müəllimləri, valideynləri, işçiləri də şən rəqslərə, əyləncəli oyunlara qatıldılar. Sonra məktəbin həyətində bayram tonqalı yandırıldı. Məktəbdə əsl bayram abu-havası yaşandı.
