Şagirdlərimiz "Kukla günü" ilə bağlı tədbirdə iştirak etdilər
Martın 15-də şagirdlərimiz "Kukla günü" ilə bağlı Firudin bəy Köçərli adına kitabxanada təşkil edilmiş tədbirdə oldular. Əvvəlcə şagirdlər Firudin bəy Köçərli adına Respublika Uşaq Kitabxanası ilə tanış oldular. Sonra onlara marionet teatrı, iplərlə idarə olunan kuklalar haqqında geniş məlumat verildi, kiçik miniatür tamaşalar nümayiş etdirildi. Şagirdlərə marionet kuklalarla davranmaq qaydaları izah edildi və şagirdlərə marionet kuklalarla tamaşa göstərmək təklif olundu. Şagirdlər həvəslə təklifi qəbul etdilər və kiçik tamaşalar hazırladılar. Görüş şagirdlərin böyük marağına səbəb oldu.
