“Günəşimdir Ana dilim!”- Beynəlxalq Ana dili gününə həsr olunmuş tədbir keçirildi
18.02.2016-cı il tarixində M.Müşfiq adına 18№li tam orta məktəbdə “Günəşimdir Ana dilim!”adlı Beynəlxalq Ana dili gününə həsr olunmuş tədbir keçirildi. Dolğun məzmunu ilə diqqəti cəlb edən, dinləyicilərdə əsl bayram əhval-ruhiyyəsi oyadan bu tədbiri 3 ”c” sinif şagirdləri hazırlamışdı. Şagirdlər tarixin sərt sınaqlarından mətanətlə çıxan Ana dilimizin saflığından, zənginliyindən, beynəlxalq nüfuz qazanmasından və dünya dilləri arasında özünəməxsus yer tutmasından söz açdılar. Şagirdlər öz kompozisiyaları ilə ürəklərə hərarət gətirən, insanı öz keçmişinə bağlayan, gələcəyə səsləyən bu xəzinənin əbədiyaşarlığını sevə-sevə dinləyicilərə çatdıra bildilər.Tədbir şagirdlərin rəqs və ifaları ilə başa çatdı.
