Fiziki tərbiyə ongünlüyünə start verildi
Dekabrın 20-də məktəbimizdə fiziki tərbiyə ongünlüyünə start verildi. Ongünlük çərçivəsində nümunəvi dərslərin, Dünya Azərbaycanlılarının Həmrəylik gününə həsr olunmuş ənənəvi idman yarışlarının keçirilməsi nəzərdə tutulur. İlk nümunəvi dərs 7a sinfində “ “Olimpiya hərəkatının, idmanın və fiziki tərbiyə dərslərinin məktəblilərin həyatında həlledici əhəmiyyəti” mövzusunda keçirildi. Şagirdlər “Zəfər”, “Olimp”, “Çempion” , “Zirvə” qruplarına bölünərək, tədqiqat sualını araşdırmağa çalışdılar. Sonra onlar təqdimat işlərini nümayiş etdirdilər, daha sonra müəllimlərin hazırladığı krossvord suallarını cavablandırdılar.
Dekabrın 21-də isə Dünya Azərbaycanlılarının Həmrəylik gününə həsr olunmuş ənənəvi idman yarışlarının püşkatma mərasimi keçirildi, yarışların qrafiki müəyyənləşdirildi. Hər il olduğu kimi bu il də şagirdlərimiz bu yarışlara böyük həvəslə hazırlaşırlar.
