Şagirdlərimiz beynəlxalq riyaziyyat olimpiadasında qələbə qazandılar
Dekabrın 8-də şagirdlərimiz "İbtidai siniflərdə riyazi istedada malik olan şagirdlərin aşkarlanması və onların beynəlxalq yarışlara inteqrasiyasının təmini" layihəsi üzrə mükafatlandırma mərasimində iştirak etdilər. Qeyd edək ki, bu layihə "Təhsildə inkişaf və innovasiyalar üzrə 2-ci qrant müsabiqəsi" çərçivəsində İlyas Əfəndiyev adına Elitar gimnaziya tərəfindən keçirilirdi. Əvvəlcə 4-cü sinif şagirdlərimiz seçim turunda iştirak etdilər. Yüksək nəticə göstərən şagirdlər seçilərək xüsusi təlimlərə cəlb olundular. Təlimlər bitdikdən sonra şagirdlərimiz beynəlxalq riyaziyyat olimpiadasında iştirak etmiş və 3710 nəfər şagirdin iştirak etdiyi final mərhələsində onlardan 5 nəfəri yüksək nəticə göstərərək gümüş və bürünc medallara layiq görülmüşlər. Şagirdlərimizi ürəkdən təbrik edir və onlara yeni-yeni uğurlar arzu edirik!
