Cəlil Məmmədquluzadənin hekayələri müzakirə olundu
Noyabrın 29-da mütaliə vərdişlərinin təkmilləşdirilməsi ilə bağlı keçirilən silsilə tədbirlər çərçivəsində 5c sinfində Cəlil Məmmədquluzadənin hekayələri müzakirə olundu. Müzakirə üçün ədibin “İki alma”, “Buz”, “Saqqallı uşaq”, “Poçt qutusu” hekayələri seçilmişdi. Şagirdlər Cəlil Məmmədquluzadənin həyat və yaradıcılığı haqqında qısa məlumat verdilər, hekayə janrı haqqında öyrəndikləri məlumatları təqdim etdilər. Sonra onlar oxuduqları hekayələri müzakirə etdilər. Hər qrup seçdiyi hekayə üzrə rəsmlər çəkmiş və rollu oyun hazırlamışdı. Valideynlərin də iştirak etdiyi dərs-müzakirə çox maraqlı keçdi.
