Bayraq gününə həsr edilmiş dərs-təqdimat keçirildi
08.11.2018-ci il tarixində məktəbimizin 3b sinfində Bayraq gününə həsr edilmiş dərs-təqdimat keçirildi. Dərsdə 4 qrup: “Azərbaycan övladları”, “Vətən”, “Tarixin ulduzları”, İgid əsgər” qrupları iştirak etdi. Qruplar Azərbaycan bayrağının yaranma tarixindən, tərtibatından bəhs etdilər, mahnı oxudular, rəqs etdilər. Şagirdlər Dövlət bayrağımıza həsr olunmuş şeirlər söylədilər, gerbimiz, himnimiz haqqında maraqlı məlumatlar təqdim etdilər. Sonra siniflərin Bayraq günü ilə bağlı hazırladıqları əl işləri, divar qəzetləri nümayiş etdirildi. Təqdimatda dərs hissə müdiri Tahirə Məmmədbəyova, sinif müəllimləri və valideynlər iştirak etdilər.
