"Cinsi tərbiyə" mövzusunda növbəti təlim keçirildi
Oktyabrın 25-də məktəbimizdə 2-ci qrant layihəsi çərçivəsində növbəti interaktiv təlimlər keçirildi. Təlimlərdə Azərbaycan və rus bölmələrinin 6-8-ci və 9-11-ci sinif şagirdləri iştirak edirdi. Təlimlər hər yaş qrupuna uyğun olaraq oğlanlar və qızlar üçün ayrılıqda keçirildi. Təlimlər Azərbaycan Tibb Universitetinin, Bakı Dövlət Universitetinin,Təhsil İnstitutunun professor və aspirantları tərəfindən aparılırdı. Təlimdə cinsi tərbiyədə şəxsi və əxlaqi dəyərlərimizin düzgün formalaşması , şagirdlərə düzgün və sağlam zəmində cinsi tərbiyə mədəniyyətinin aşılanması, şagirdlərin pis vərdişlərdən uzaqlaşması, asudə vaxtlarını səmərəli keçirməsi kimi məsələlər müzakirə olundu. Eyni zamanda sağlam münasibətlər zəminində akademik nailiyyətlərin, təhsilin keyfiyyətinin yüksəlməsi haqqında şagirdlərə məlumat verildi. Şagirdlər onları narahat edən problemləri anonim şəkildə yazdılar. Təlim materialları təhlil olunmaq üçün təlimçilərə təqdim edildi.
