6-cı siniflər arasında “Fəza fiqurları” mövzusunda təqdimat müsabiqəsi keçirildi
Bu gün məktəbimizdə “Fəza fiqurları” mövzusunda təqdimatlara baxış keçirildi. Təqdimat müsabiqəsi 6-cı siniflər arasında keçirilirdi. Təqdimatlar münsiflər heyəti tərəfindən qiymətləndirildi. Təqdimatların qiymətləndirilməsində nitqin səlisliyi, elmilik, slaydların orijinallığı, komandaların materialı təqdim etmə bacarığı nəzərə alındı. Şagirdlər maraqlı təqdimatlar hazırlamışdılar. 6ə sinfi çıxışını səhnəciklər formasında hazırlamışdı. 6e sinfi slaydların hazırlanmasında annimasiyalardan istifadə etmişdi. Digər siniflər fəza fiqurlarını həyatla əlaqələndirmiş, maraqlı tarixi faktlar axtarıb tapmışdılar. Onlar fəza fiqurlarından geyimlər hazırlamış, xüsusi viktorina tərtib etmişdilər. Çıxışlar bir-birindən maraqlı olduğu üçün münsiflər heyəti qalib komandanı seçməkdə çətinlik çəkirdi. Sonda yekdil rəyə əsasən 6ə sinfinə Qran-pri mükafatı verildi, 6e sinfi isə I yerə layiq görüldü.
