VII sinif şagirdlərinin icbari dispanserizasiyası keçirildi
Bu gün məktəbimizdə VII sinif şagirdlərinin icbari dispanserizasiyası keçirildi. Uşaqlara göstərilən tibbi xidmətin yaxşılaşdırılması məqsədilə keçirilən bu müayinələr xəstəliklərin ilkin profilaktikasına yönəlmişdi. Şagirdlər hərtərəfli müayinələrdən keçirildi. Ümumi baxışdan əlavə göz, qulaq, boğaz, uşaq cərrahları, stomatoloq, infeksionist mütəxəssislər məktəbimizdə oldular. Uşaqların boyu, çəkisi ölçüldü, laborantlar bəzi şagirdlərə analizlər verməyi tövsiyə etdilər. Prosesin gedişatı zamanı aşkarlanan hər hansı bir şübhə doğuran xəstəlik həkimlər tərəfindən qeydə alındı və şagirdlərin valideynlərinə tövsiyələr verildi. Profilaktik müayinələr digər siniflərdə də aparılacaq.
