“Söykənəcəyimiz qayalar"-müəllim gününə həsr olunmuş tədbir keçirildi
Oktyabrın 5-də məktəbimizdə Beynəlxalq Müəllimlər gününə həsr olunmuş “Söykənəcəyimiz qayalar” adlı bayram tədbiri keçirildi. Şagirdlərimiz bu bayrama böyük həvəslə hazırlaşmışdılar. Onlar qəlbi öz peşəsiylə döyünən, fədakar ruhlu müəllimlərini hazırladıqları nömrələr, səhnəciklər, rəqslərlə təbrik etdilər. Tədbirdə bu müqəddəs peşə sahiblərinin, bu adın mənəvi yükünü təmiz vicdanla daşıyan müəllimlərimizin əvəzsiz xidmətlərindən də söz açıldı. Şagirdlərimiz yumorlu səhnəciklər, gözəl mahnılar və şən rəqslərdən ibarət maraqlı konsert proqramı nümayiş etdirdilər.
Bəşəriyyətin rifahı yönündə çalışan əziz müəllimlərimiz, bayramınız mübarək!
