Məktəbəhazırlıq qruplarında ilk dərs günü
Bu gün dövlət ümumtəhsil məktəblərində yaradılmış məktəbəhazırlıq qruplarında dərslərə start verildi. Bu münasibətlə məktəbimizdə təntənəli tədbir keçirildi. Tədbirdə 5 yaşlılarımız, onların valideynləri, müəllimlər, qonaqlar və media nümayəndələri iştirak edirdi. Tədbiri giriş sözü ilə açan Rəna Süleymanova məktəbəhazırlıq qruplarının üstünlükləri haqqında məlumat verdi. O, məktəbəhazırlıq qruplarında təhsil alan balacaların təhsil mühitinə daha rahat uyğunlaşmasından, onlarda ünsiyyət və birgə fəaliyyət vərdişlərinin formalaşmasından söhbət açdı. Tədbirdə ibtidai siniflər üzrə direktor müavini Tahirə Məmmədbəyova da çıxış edərək, balacalara respublikamıza, dövlətimizə layiqli vətəndaş olmağı, hər zaman dərslərinə səylə hazırlaşmağı tövsiyə etdi. Açılış şagirdlərimizin maraqlı ifaları ilə davam etdirildi. Birlik rəmzi olan yallı sədaları altında hamı birləşərək rəqs etdi. Sonda şagirdlər musiqi sədaları ilə onları gözləyən bəzəkli sinif otaqlarına yola salındılar.
