Birincilərin hesabat konserti
İyunun 13-də məktəbin ibtidai siniflərində dərs ilinin yekunlaşması ilə əlaqədar olaraq təntənəli konsert proqramı keçirildi. Hesabat xarakteri daşıyan bu tədbirdə balaca şagirdlərimiz bir il ərzində əldə etdikləri nailiyyətləri valideynlərinə , müəllimlərinə və məktəb müdiriyyətinə nümayiş etdirdilər. Birincilərimiz müxtəlif tamaşalardan maraqlı səhnəciklər hazırlamış, nağıl personajlarının obrazlarını canlandırmış, dünya xalqlarının mahnı və rəqslərindən ibarət maraqlı bir konsert proqramı hazırlamışdılar. Onların gözəl və səlis nitqləri , ifadəli şeirləri, məharətlə yaratdıqları obrazlar hamı tərəfindən rəğbətlə qarşılandı. Tamaşa – Konsert məktəb direktoru Rəna Süleymanovanın uşaqlara və valideynlərə ünvanlanmış təbrikləri ilə yekunlaşdı. Sonda xatirə şəkilləri çəkdirildi.
