Üzeyir Hacıbəyovun ev-muzeyində

Məktəbimizin 2a sinif şagirdləri 18.05.2018-ci il tarixində Üzeyir Hacıbəyovun ev-muzeyində oldular. Onlar  dahi Azərbaycan bəstəkarının həyat və yaradıcılığı haqqında məlumatlarla  zəngin olan bu ev-muzeyində geniş informasiya aldılar. Bəstəkarın şəxsi əşyaları və xatirələrlə dolu olan ev-muzeyi şagirdlərdə  böyük marağa səbəb oldu. Onlar  Üzeyir bəyin opera və operettalarından, romanslarından parçalar dinlədilər. Onun dünya şöhrətli “Koroğlu” operasından üverturaya qulaq asdılar. Şagirdlər dahi bəstəkarın doğulduğu evin maketinə baxdılar. Onlar  bəstəkarın digər ailə üzvləri ilə də tanış oldular. Cümhuriyyət dövrünün simalarından olan Ceyhun Hacıbəylinin həyatı ilə də yaxından tanış oldular. “Arşın mal alan”, “O olmasın, bu olsun”, “Ər və arvad” və s. dünya şöhrətli əsərlərinin doğulduğu bu ünvandan şagirdlər böyük təəssüratla ayrıldılar. Sonda şagirdlər xatirə şəkilləri çəkdirdilər.

  • h.a
  • i.a
  • fond
  • bakuedu
  • virtual_qarabaq
  • virtual_qarabaq
  • kurrikulum
  • MƏNİM MƏKTƏBİM
  • Azərbaycan müəllimi qəzeti
  • Sabahın alimləri layihəsi