Şagirdimiz “Ən yaxşı təqdimat” müsabiqəsində I yerə layiq görüldü!
Mayın 4-də Heydər Əliyev Mərkəzində ümummilli lider Heydər Əliyevin anadan olmasının 95-ci ildönümü münasibəti ilə təşkil olunmuş “Ən yaxşı təqdimat” müsabiqəsi qaliblərinin mükafatlandırılması mərasimi keçirildi. Qaliblərdən biri məktəbimizin 11-ci sinif şagirdi Aydan Göyüşlü idi. Aydan rayon və şəhər turlarını müvəffəqiyyətlə keçərək, ölkə turuna vəsiqə qazanmışdı. Ölkə turunda da öz məzmunlu çıxışı ilə uğurla iştirak edən Aydan münsiflər heyətinin yekdil rəyinə əsasən I yerə layiq görüldü. Məktəbimizin müdiriyyəti və kollektivi adından Aydanı ürəkdən təbrik edir və ona yeni-yeni uğurlar arzu edirik!
