Məktəbimizdə Tops-proqramı layihəsi çərçivəsində idman festivalı keçirildi
Dekabrın 14-də M.Müşfiq adına 18№li tam orta məktəbdə Tops-proqramı çərçivəsində Dünya Azərbaycanlılarının həmrəylik gününə həsr olunmuş idman festivalı keçirildi.Məktəbimiz şagirdlərin fiziki sağlamlığı, psixoloji dayanıqlılığı və təlim nəaliyyətlərinin yüksəldilməsinə xidmət edən bu layihəyə qoşulmaqla şagirdlərin fiziki tərbiyə fənninə olan marağını daha da artırdı. Tədbirdə inkişaf naminə idman İB-nin sədri Mehman Kərimov, Respublika Təhsil İdman mərkəzinin direktoru Natiq Lahıcov, Bakcell şirkətinin nümayəndəsi Kəmalə Vəlixanova və layihənin işçi heyəti iştirak edirdi. Festival zamanı finalda qalib olan komandalar qonaqlar tərəfindən kuboklar və medallarla mükafatlandırıldı.İdman növlərindən nümunəvi çıxışlar təqdim olundu.Festival bütün rəngarəngliyi,müxtəlifliyi ilə tamaşaçıların və iştirakçıların rəğbətini qazandı.Məktəbdə keçirilən bu idman festivalı idmanın əsl təntənisini nümayiş etdirən böyük bir bayrama çevrildi.
