Aprel şəhidi Müşfiq Orucovun xatirəsini yad etdik
Aprelin 5-də müəllim və şagird kollektivinin bir qrup nümayəndəsi ilə Aprel şəhidi Müşfiq Orucovun ailəsini ziyarət etdik. Qeyd edək ki, Müşfiq Orucov 700 balla Azərbaycan Texniki Universitetinin avtomatika və kompyuter texnikası fakültəsinə daxil olmuş, universiteti bitirdikdən sonra hərbi xidmətə getmişdir. 5 aprel 2016-cı ildə Tərtər rayonu istiqamətində gedən döyüşlərdə həlak olmuşdur. Müşfiq Orucov ölümündən sonra “Vətən uğrunda” medalı ilə təltif olunmuşdur.
Şəhidin atası Arif Orucov Müşfiqin nailiyyətlərindən, onun ali məktəbdəki uğurlarından söhbət açdı. Müşfiqin anası Aygün xanım oğlunun əsgərlik həyatı haqqında xatirələrini bölüşdü. Sonra Müşfiq Orucovun qəbrini ziyarət etdik. Onun məzarı üzərinə gül dəstələri qoyduq.
Allah bütün şəhidlərimizə rəhmət eləsin!
