Məktəbimizdə Mülki Müdafiə günü keçirildi
Bu gün məktəbimizdə Yasamal Rayon Fövqəladə hallar və MM şöbəsi ilə razılaşdırılmış illik tədbirlər planına əsasən Mülki Müdafiə günü keçirildi. Tədbirə məktəbimizin 7-ci sinif şagirdləri və hərbiləşdirilməmiş dəstələr cəlb olunmuşdu. Həyəcan siqnalı ilə əleyhqazlarla təmin edilmiş şagirdlər məktəbin həyətində düzüldülər. Əvvəlcə şagirdlərə həyəcan siqnalının verilməsi və yanğınsöndürmə balonunun iş prinsipi göstərildi. Sonra şagirdlər yanğınsöndürmə balonu ilə şərti olaraq yaradılmış “yanğın”ın söndürülməsini praktiki olaraq yerinə yetirdilər. Daha sonra məktəbin tibb manqası ilə birgə “yanğın” zamanı xəsarət almış şagirdlərə ilk tibbi yardımın göstərilməsi əyani olaraq nümayiş etdirildi.
Tədbirin əsas məqsədi yalnız Mülki Müdafiə günü deyil, istənilən vaxt baş verə biləcək fövqəladə hadisələr zamanı ilkin olaraq hansı işlərin görülməsinin vacibliyini şəxsi heyətə çatdırmaq idi.
