İşıqlı təbəssüm, nur dolu gözlər
Bu gün məktəbimizdə 8 Mart Beynəlxalq Qadınlar gününə həsr olunmuş "İşıqlı təbəssüm, nur dolu gözlər" başlığı altında tədbirlər keçirildi. Əvvəlcə yuxarı sinif şagirdləri radio qovşaqdan məktəbin bütün müəllimlərini, işçilərini, öz sinif yoldaşlarını təbrik etdilər. Onların ifasında səslənən "Bakı qızları" mahnısı günün ən maraqlı çıxışına çevrildi. Sonra ibtidai sinif şagirdlərinin öz müəllimləri üçün hazırladıqları gül rəsmləri nümayiş olundu. Müəllimlərin sevincinin həddi-hüdudu yox idi. Daha sonra 3"d" sinfinin şagirdləri "Mамин день" mövzusunda təbrik - dərs nümayiş etdirdilər. Müəllimlərin, valıdeynlərin iştirakı ilə keçirilən, musiqi, şeir və təbriklərlə zəngin olan dərs bu gözəl bayrama xüsusi rəng qatdı. Bayramınız mübarək, əziz müəllimlər!
