8-ci siniflər arasında təqdimat müsabiqəsi keçirildi
Martın 5-də məktəbimizin 8-ci sinifləri arasında “Dünyanın ilk sənaye dövləti: Böyük Britaniya” mövzusunda təqdimat müsabiqəsi keçirildi. Şagirdlər XIX əsrdə Böyük Britaniyada sənayenin inkişafı, əl əməyindən maşın istehsalına keçilməsi, manufakturaların fabriklərlə əvəz olunması və beləliklə, Böyük Britaniyanın böyük sənaye dövlətinə çevrilməsi haqqında ətraflı məlumat verdilər. Təqdimatlar nitqin səlisliyi, mövzunun əhatəliliyi, slaydların orijinallığı meyarları üzrə qiymətləndirildi. Şagirdlər müsabiqəyə çox ciddi hazırlaşmışdılar. 8b sinfi “Cenni“ cəhrəsinin maketini hazırlamışdı, 8ç sinfi Londondakı azərbaycanlılardan müsahibə almışdı. Heç bir təqdimat digərini təkrar etmirdi. Münsiflər heyətinin yekdil rəyinə əsasən 8b sinfi I yerə layiq görüldü. Şagirdlərimizi təbrik edirik!
