Hacı Zeynalabdin Tağıyevin 180 illiyinə həsr olunmuş mühazirə keçirildi
Bu gün məktəbimizdə "Hacı Zeynalabdin Tağıyev-180" mövzusunda mühazirə keçirildi. Mühazirə Azərbaycan Milli Tarix Muzeyinin elmi katibi, tarix elmləri üzrə fəlsəfə doktoru Fərhad Cabbarov tərəfindən şərh olundu. Məruzəçi tariximizə xeyriyyəçi-mesenat, ölkənin neft sənayesinin banilərindən biri kimi daxil olmuş Hacı Zeynalabdin Tağıyev haqqında ətraflı məlumat verdi. Həyatının mənasını ətrafındakı kasıb insanlara əl tutmaqda görən, var-dövlətinin böyük bir hissəsini xalqının inkişafına, maariflənməsinə sərf edən və "millət atası" adına layiq görülən bu böyük xeyriyyəçinin həyat yolu, gördüyü savab əməllər işıqlandırıldı. Onun Mərdəkanda tikdirdiyi məktəb, Bakıdakı ilk qızlar məktəbi, Şollar su kəməri, tikdirdiyi binalar, öz hesabına oxutdurduğu tələbələr barədə geniş müzakirə aparıldı. Şagirdlər Hacı Zeynalabdin Tağıyev haqqında hazırlanmış filmə baxdılar. Sonda şagirdlərin çoxsaylı sualları cavablandırıldı.
