Dilimiz əcnəbilərin gözü ilə
Bu gün 7c sinfində Beynəlxalq Ana Dili Günü münasibətilə “Dilimiz əcnəbi dillər arasında” adlı tədbir keçirildi. Yeddi ölkəyə ezam olunan “jurnalistlər” digər xalqların dilimizə olan münasibətini öyrənmək məqsədilə kiçik sorğu keçirdilər, ərəb, alman, fransız, rus, türk, ingilis dillərində əcnəbilərin gözü ilə jurnalistlərə müsahibə verdilər. Şagirdlərimiz rollu oyunlar vasitəsilə dilimizin rəvanlığını, aydınlığını, zənginliyini maraqlı şəkildə nümayiş etdirdilər. Sonda şagirdlər dilimizin dünyanın ən zəngin dillərindən biri olduğunu vurğulayaraq, öz yaşıdlarını bu dili göz bəbəyi kimi qorumağa çağırdılar.
