Məktəbimizdə yazıçı Çingiz Abdullayevlə görüş keçirildi
Məktəbimizdə görkəmli yazıçı, dünya şöhrətli detektiv əsərlər müəllifi, Azərbaycan Yazıçılar Birliyinin katibi, Neftçi PFK-nın prezidenti Çingiz Abdullayevlə görüş keçirildi. Çingiz müəllim məktəbimizin illər öncə də qonağı olmasına baxmayaraq, yenə dəvətimizi qəbul etdi, vaxtının az olmasına baxmayaraq şagirdlərin görüşünə gəldi. Görüşdə 3 nəslin: yaşlı, orta, gənc nəslin nümayəndələri iştirak edirdi.Yazıçı səmimi söhbətləri, yüksək intellekti, fərqli dünyagörüşü ilə şagirdlərin suallarını cavablandırdı və onlara öz tövsiyələrini verdi.Məktəbin müəllim və şagird kollektivi, dəvət olunan qonaqlar Çingiz Abdullayevlə unudulmaz, yaddaqalan bir gün keçirdi və bu xatirələr məktəb həyatının tarixinə çevrildi.
