“Antik mədəniyyət” mövzusunda açıq dərs keçirildi
Tarix aylığı çərçivəsində qabaqlayıcı dərslər silsiləsinə 5“A” sinfinin verdiyi “Antik mədəniyyət” mövzusu da daxil edildi. Noyabrın 28-də keçirilmiş bu dərs çox maraqla qarşılandı. Müəllimə Nailə Musayeva 5 “A” sinfində dərsi qrup şəklində təşkil etdi. Şagirdlər “Roma” və “Yunan” qruplarına bölünərək sanki o dövrlərə səyahətə başladılar. Dərsdə İKT vasitələrindən də məharətlə istifadə olunmuşdu. Şagirdlər Roma və Yunan mədəniyyətindən geniş məlumatlar əldə edib nümayiş etdirdilər. Şagirdlərin təqdimatında rollu oyunlar xüsusi əhəmiyyət kəsb edirdi. Onlar həmin xalqların libasında müxtəlif çıxışlar edərək tamaşa nümayiş etdirdilər. Dərs olduqca maraqlı və rəngarəng keçdi. Sonda “Troya atı” ilə bağlı vidioçarx nümayiş etdirildi.
