Müəllim gününə həsr olunmuş “Ömrün alın yazısı” adlı ədəbi bədii gecə
Oktyabrın 5-də məktəbimizdə Müəllim gününə həsr olunmuş “Ömrün alın yazısı” adlı ədəbi bədii gecə keçirildi. Yeni cəmiyyətin qurucuları sayılan müəllimlərimizin bu peşə bayramı təntənəli şəkildə qeyd olundu. Şagirdlər tərəfindən hazırlanan ifalar, rəqslər, səhnəciklər xüsusi maraqla qarşılandı. Hər birimizin layiqli vətəndaş kimi yetişməyimizdə əvəzsiz xidməti olan müəllimlərimizi təbrik edir, onlara bu çətin lakin şərəfli yolda uğur diləyirik. Məktəbin direktoru Rəna Süleymanova çıxış edərək öz növbəsində bütün müəllim kollektivini təbrik edərək xoş sözlər söylədi. Məktəbimizin “Şəhər uşaqları” komandası da əli boş gəlməmişdi. Onlar öz zarafatları və yumorları ilə tədbirə xüsusi rəng qatdılar. Tədbirin sonunda müəllimlərin özlərinində çıxış etdikləri videoçarx nümayiş etdirildi. Tədbir həyacan, coşqu və sevgi ilə dolu idi. Əziz saytımızın izləyiciləri biz də hər kəsi Müəllimlər günü münasibəti ilə təbrik edir, sizlərə hər zaman sevgilər, uğurlar arzulayırıq. Dəyərli müəllimlərimizin qarşısında baş əyirik!
