Bilik Gününə həsr olunmuş “Həyatımızı dəyişən səfər” adlı tədbir
15 sentyabr Respublikamızın bütün məktəblərində olduğu kimi Mikayıl Müşfiq adına 18№ li tam orta məktəbdə də bu gün təntənə ilə qeyd olundu. 2017-2018-ci tədris ilininin ilk gününə həsr olunmuş “Həyatımızı dəyişən səfər” adlı tədbir bütün qonağlar, valideynlər və şagirdlər tərəfindən böyük rəğbətlə qarşılandı. Tədbiri açıq elan edən məktəbimizin direktoru Rəna Süleymanova ölkəmizdə təhsil sistemində baş verən yeni inkişaf dövründən söhbət açdı. Sonra məktəbin direktoru uzun illər məktəbimizin arzusuna çevrilmiş və nəhayətdə bu arzunu reallaşdıran İlknur Cəfərquliyevi qızıl medalla təltif etdi. Tədbirdə Yasamal rayon İcra Hakimiyyətinin nümayəndələri də iştirak edirdi. Qonaqlar məktəbin yeni sakinlərini yəni birinciləri salamlayaraq onlara uğurlar arzuladılar. Tədbirin bədii hissəsində müxtəlif siniflərdən şagirdlər öz rəqsləri, şeirləri və ifaları ilə tədbirə rəng qatdılar. Sonda səslənən ilk zəng birinciləri siniflərə səslədi.
