Qızıl medalımız!
Əziz və çox hörmətli saytımızın izləyiciləri! Hər kəsi salamlayır və 2017-2018-ci tədris ilində hər bir kəsə uğurlar arzulayırıq. Biz də öz növbəmizdə saytımızı hər kəs üçün xoş olan xəbərlə açmaq istəyirik. Məktəbimiz bu il neçə illərdən bəri gözlədiyi uğura imza atdı. Belə ki, sentyabr ayının əvvəllərində Bakı şəhəri Təhsil işçilərinin ənənəvi konfransı keçirildi. Konfransda Təhsil Nazirliyi və Bakı Şəhər Üzrə Təhsil İdarəsinin rəsmiləri iştirak edirdilər. Həmin konfransın sonunda ümümtəhsil məktəblərində qızıl və gümüş medala layİq görülən məzunlar təltif olundular. Çox sevindirici və qürurverici haldır ki, məktəbimizin şagirdi İlknur Cəfərquliyev Araz oğlu da qızıl medalla təltif olundu. Məhz məktəbimizin çoxdan bəri gözlədiyi bir arzu reallığa çevrildi. Bu sevinci, fərəhi bizim məktəb kollektivinə yaşadan məktəbin direktoru Rəna Süleymanovaya və şagirdimiz İlknur Cəfərquliyeva öz təşəkkürümüzü bildirib, daha da gözəl nəaliyyətli illərə deyərək “Tədrisdə keyfiyyət ili”sayılan tədris ilimizi açıq elan edirik. Saytımızın hər bir izləyicisinə və bütün dostlarımıza bu tədris ilində uğurlar.
