Detektiv janrında yazılan əsərlərin müzakirəsi
Mütaliə vərdişlərinin təkmilləşdirilməsi üzrə keçirilən silsilə tədbirlər çərçivəsində bu gün məktəbimizin 8-ci sinif şagirdləri Aqata Kristinin “Mavi qatarın sirri” və Elxan Elatlının “Cəhənnəmdən gələn səs” əsərlərini müzakirə etdilər. Əvvəlcə onlar detektiv janrı, bu janrın ən məhşur nümayəndələri, tanınmış detektiv müəlliflər haqqında geniş məlumat verdilər. Onlar Aqata Kristinin bu məhşur əsərinin qarışıq sujet xəttini, çoxsaylı obrazlarını təhlil etdilər. Digər qrup Elxan Elatlının siyasi detektiv janrında yazılmış “Cəhənnəmdən gələn səs” əsəri haqqında geniş fikir mübadiləsi apardı. Əsərin müzakirəsi zamanı kədər dolu Xocalı həqiqətləri, əsirlərimizin başına gətirilən müsibətlər, bir ailənin timsalında neçə-neçə Xocalı ailəsinin faciəsi səsləndirildi. Sonda şagirdlər klassik və müasir detektiv janrını müqayisə etdilər və öz araşdırmalarını təqdim etdilər.
