Məktəbimizdə Mülki Müdafiə günü keçirildi
Yasamal Rayon İcra Hakimiyyəti başçısının 2017-ci tədris ili üçün keçiriləcək Mülki Müdafiə təlim və məşqlərinin plan cədvəlinə əsasən bu gün məktəbimizdə Mülki Müdafiə günü keçirildi. Tədbirdə Yasamal Rayon Fövqaladə Hallar və Mülki Müdafiə şöbəsinin rəis müavini Qabil Məmmədov iştirak edirdi. Əvvəlcə məktəbin muzeyində 5, 6, 10-cu sinif şagirdərinin iştirakı ilə maarifləndirici seminar keçirildi. Məktəbin hərbi rəhbəri Telman Məmmədov Fövqaladə Hallar Nazirliyi, Mülki Müdafiə qoşun növləri, təbii fəlakətlər, fors-major situasiyalar barədə geniş məlumat verdi. Qabil Məmmədov texnogen xarakterli qəzalar, təxliyə tədbirləri, təbii fəlakətlər zamanı davranış qaydaları haqqında danışdı. Sonra uşaqlar Mülki Müdafiə haqqında əldə etdikləri biliklər ətrafında fikir mübadiləsi apardılar, onları maraqlandıran suallarla hərbi rəhbərimizə və Fövqaladə Hallar şöbəsinin nümayəndəsinə müraciət etdilər və ətraflı məlumat aldılar. Daha sonra məktəbimizin 2-ci və 3-cü sinif şagirdləri arasında Mülki Müdafiə gününə həsr olunmuş viktorina keçirildi.
