Hərbi hissədən təşəkkür məktubu
Aprel döyüşlərinin ildönümü ərəfəsində 708 nömrəli hərbi hissədən təşəkkür məktubu aldıq. Məktubu hərbi hissəsinin komandiri Oruc Abdullayev göndərmişdi. Məktubda məktəbimizin məzunu Axundov Adil Elçin oğluna təşəkkür elan olunmuşdu. Məktubda yazılmışdı: “Ana vətənimizin azadlığının, müstəqilliyinin və ərazi bütövlüyünün təhlükə altında olduğu bir vaxtda nümunəvi şagird tərbiyə edib vətənin müdafiəsi üçün hərbi xidmətə göndərdiyinizə görə Sizə və məktəbin bütün kollektivinə ürəkdən təşəkkür edir və çox sağ ol deyirik! ". Məktəbimizə və məzunumuza ünvanlanan bu sözlər qəlbimizi qürur hissi ilə doldurdu. Belə gənclərimiz var olduqca, vətənimiz daha da qüdrətli olacaq!
