Elxan Elatlının "Faktlar onun əleyhinədir" əsərinin müzakirəsi keçirildi
Bu gün də məktəbimizdə Elxan Elatlının “İtmiş qızın axtarışı” kitabından "Faktlar onun əleyhinədir" əsərinin müzakirəsi keçirildi. Müzakirədə 8-ci siniflər iştirak edirdi. "Faktlar onun əleyhinədir" əsərinin oxucunu sona qədər intizarda saxlayan mövzusu, maraqlı obrazları şagirdlərdə böyük maraq doğurdu. Onlar əsərin sujet xəttini, əsərdəki əsas obrazları təhlil edərək,əsərin ideyası ətrafında müzakirələr apardılar. Sevgini, xəyanəti, dostluğu, sevinci, kədəri, qorxunu, şübhəni, inamı Elxan Elatlının qələmindən oxumaq şagirdlərdə böyük marağa səbəb oldu, müəllifin dəsti-xəttinə, dünyagörüşünə, təxəyyülünə heyranlığını daha da artırdı. Məktəbimizdə silsilə şəkildə keçirilən bu tədbirlər davam etməkdədir...
