Məktəbimizdə Novruz şənliyi
Martın 17-də məktəbimizdə Novruz şənliyi keçirildi. Milli paltar geyinmiş müəllimlər və şagirdlər tədbirə xüsusi gözəllik verdilər. Dəhlizlərdə səslənən qara zurnanın səsi, saz havası xalqımızın zəngin tarixi keçmişindən xəbər verirdi. Şagirdlərimizin bir-birindən gözəl çıxışları və ifaları hamıya əsl bayram ovqatı yaşatdı. Xalqımızın bu günə kimi yaşatdığı, qoruyub gələcək nəsillərə ötürdüyü, müqəddəsləşdirdiyi bu bayram bütün milli-mənəvi dəyərlərimizi özündə əks etdirir.
