“Torpaq çərşənbəsi” iməciliyi keçirildi
Martın 14-də məktəbimizdə “Torpaq çərşənbəsi” iməciliyi keçirildi. Bu dəfə şagirdlərimiz məktəbin kitabxanasını, rəflərin və kitabların tozunu təmizlədilər. Sonra müxtəlif fənn kabinetləri və burada yerləşən avadanlıqlar təmizlənib səliqəyə salındı. Şagirdlərimiz, həmçinin, dəhlizləri və divarları da silərək təmizlədilər. Bakı Şəhəri Təhsil İdarəsi tərəfindən keçirilən bu iməcliklər ətraf mühitin qorunması, ekoloji təmizliyə riayət olunması, şagirdlərdə əməyə və birgə əməkdaşlığa hörmət vərdişlərinin formalaşdırılmasına xidmət edir. Novruz ərəfəsində keçirilən bu çərşənbə iməclikləri xalqımızın ta qədim zamanlardan qoruyub saxladığı milli-mənəvi dəyərləri özündə əks etdirir.
