“Bəşəriyyətin nuru-QADINLAR" adlı ədəbi-bədii tədbir keçirildi
07.03.2017-ci il tarixində məktəbimizdə“Bəşəriyyətin nuru-QADINLAR" adlı ədəbi-bədii tədbir keçirildi. Şagirdlərimiz məktəbin bütün xanımlarını Beynəlxalq Qadınlar günü münasibətilə ürəkdən təbrik edərək, hazırladıqları konsert proqramı ilə çıxış etdilər. Bir-birindən gözəl rəqslər, mahnılar, səhnəciklər, səmimiyyət dolu təbriklər böyük rəğbətlə qarşılandı. Hər bir kəlməsi, hər bir ifadəsi Bəşəriyyətin nuru olan QADINLARA qarşı nəzakət, sevgi və məhəbbət tərənnüm edən bu çıxışlar gurultulu alqışlara səbəb oldu. 11-ci sinif şagirdləri ifa etdikləri şən mahnı ilə bütün müəllimləri rəqsə dəvət etdılər. Sonda məktəbin direktoru Rəna Süleymanova məktəbin bütün xanımlarını bu gözəl bayram münüsibətilə təbrik edərək, onlara işlərində müvəffəqiyyətlər arzuladı. Tədbir xoş əhval - ruhiyyə ilə yekunlaşdı.
