“Çərşənbə iməcilikləri”- Yel çərşənbəsi
Bildiyimiz kimi, 2016/2017-ci tədris ilində Bakı Şəhəri üzrə Təhsil İdarəsinin tabeliyində olan ümumtəhsil məktəblərində müxtəlif ekoloji tədbirlərin həyata keçirilməsi nəzərdə tutulmuşdur. Həmin fəaliyyətlərdən biri də “Çərşənbə iməcilikləri”dir. Martın 7-də məktəbimizdə “Yel çərşənbəsi” iməciliyi keçirildi. Budəfəki iməcilik Beynəlxalq Qadınlar günü ərəfəsində olduğu üçün məktəbimizin oğlanları bütün işləri öz öhdələrinə götürdülər. Onlar məktəb həyətindəki ağacları ağartdılar, ağacların dibini bellədilər, texnologiya dərslərində uşaqların hazırladıqları quş yuvalarını ağaclardan asdılar. Oğlanlar məktəbin həyətyanı sahəsində abadlıq işləri apardılar, asfaltı yuyub təmizlədilər, gülləri suladılar. Bir sözlə, onlar əsl bayram əhval-ruhiyyəsi yaratdılar. Bu tədbirlər xalqımıza xas olan milli dəyərləri, adət-ənənələri yaşatmağa xidmət edir.
