“Mülki Müdafiənin fəlakətlərə qarşı mübarizədə rolu” mövzusunda dəyirmi masa keçirildi
Bu gün məktəbimizdə Mülki Müdafiə Gününə həsr olunmuş “Mülki Müdafiənin fəlakətlərə qarşı mübarizədə rolu” mövzusunda dəyirmi masa keçirildi. Bu gün haqqında məktəbimizin hərbi rəhbəri, ehtiyatda olan kapitan Telman Məmmədov məlumat verdi. O, “Beynəxalq Mülki Müdafiə Təşkilatı”nın yaradılması, “Qırmızı Xaç” cəmiyyətinin fəaliyyəti, 1 Mart “Mülki Müdafiə Günü”nün təsis edilməsi, 16 dekabr 2005-ci ildə Azərbaycan Respublikası Fövqaladə Hallar Nazirliyinin yaradılması barədə məlumat verdi. Daha sonra o, təbii və texnogen qəzalar, əhalinin təxliyəsi, tikinti təhlükəsizliyinin həyata keçirilməsi zamanı Mülki Müdafiə qüvvələrinin gördüyü işlərdən danışdı, şagirdləri Fövqaladə Hallar Nazirliyinin qoşun növləri ilə tanış etdi. Sonda şagirdlərə Fövqaladə Hallar Nazirliyinin çoxmiqyaslı işi barədə videofilm nümayiş etdirildi.
