“Çərşənbə iməcilikləri”- Od çərşənbəsi
Bildiyimiz kimi, 2016/2017-ci tədris ilində Bakı Şəhəri üzrə Təhsil İdarəsinin tabeliyində olan ümumtəhsil məktəblərində müxtəlif ekoloji tədbirlərin həyata keçirilməsi nəzərdə tutulmuşdur. Həmin fəaliyyətlərdən biri də “Çərşənbə iməcilikləri”dir. Bu gün məktəbimizdə “Od çərşənbəsi” iməciliyi keçirildi. Şagirdlərimiz məktəb həyətindəki ağacları ağartdılar, ağacların dibini bellədilər, pəncərələri sildilər. Onlar dibçəklərə yeni bitkilər əkdilər, məktəb dəhlizlərindəki ağacların yarpaqlarını sildilər, sınmış partaları təmir etdilər. Bu tədbirlər xalqımıza xas olan milli dəyərləri, adət-ənənələri yaşatmağa xidmət edir.
