Xocalı faciəsinin 25 illiyinə həsr olunmuş bukletlər paylandı
Fevralın 26-da Məktəb Parlamentinin üzvləri şəhərimizin mərkəzi küçələrində Xocalı soyqırımının 25 illiyinə həsr olunmuş müxtəlif dillərdə hazırladıqları bukletləri payladılar. 3 dildə tərtib olunmuş bu bukletlərdə Xocalı faciəsi, günahsız insanların başına gətirilən müsibətlər, Xocalıda həlak olan Milli Qəhrəmanlar, Çingiz Mustafayevin dünyaya çatdırdığı Xocalı həqiqətləri haqqında maraqlı məlumatlar öz əksini tapmışdı. Eyni zamanda bukletlərdə Xocalı soyqırımının 25 illiyi ilə əlaqədar məktəbimizdə keçirilən bütün tədbirlər haqqında da məlumatlar verilirdi. Bukletlər şəhər sakinlərinə və şəhərimizdə qonaq olan xarici turistlərə paylandı.
