Xocalı soyqırımının 25-ci ildönümünə həsr olunmuş şahmat üzrə təsnifat turniri keçirildi
Fevralın 21-də məktəbimizdə Xocalı soyqırımının 25-ci ildönümünə həsr olunmuş şahmat üzrə təsnifat turnirinə start verildi. Turnirdə 159, 286, 18 nömrəli məktəblərin şagirdləri iştirak edirdi. Turnir fevralın 21-23-ü tarixlərində keçiriləcək. Əvvəlcə iştirakçıları məktəbin direktoru Rəna Süleymanova salamlayaraq, onlara yarışlarda uğurlar arzu etdi. O, gələn iştirakçılara və valideynlərə məktəbdə görülən işlər barədə məlumat verdi və məktəbdə keçirilən “Xocalısız 25 il” rəsm sərgisinə təqdim olunan işlər haqqında danışdı. Daha sonra şagirdlər şahmat stolları arxasına keçdilər və baş hakim Samir Cavadzadə yarışları açıq elan etdi.
