“Xocalısız 25 il” mövzusunda rəsm işlərinin sərgisi
Məktəbimizdə “Xocalısız 25 il” mövzusunda şagirdlərin rəsm işlərindən ibarət sərgi nümayiş olunur. Şagirdlər çəkdikləri rəsm əsərlərində Xocalı faciəsinin müsibət dolu həqiqətlərini, öz yurdlarında təhqir olunan insanların əziyyətini, xalqımıza qarşı törədilən misli görünməyən haqsızlığı öz baxış prizmalarından göstərməyə çalışmışlar. Müxtəlif yaş qruplarından olan şagirdlərin sərgiyə təqdim etdikləri rəsm əsərləri böyüməkdə olan nəslin Xocalı soyqırımı qurbanlarına olan hörmətinin, şagirdlərimizin qəlbindəki milli vətənpərvərlik ruhunun, doğma vətənə sevginin və gələcəyə ümidin parlaq ifadəsidir.
