Məktəbimizin yaradıcılıq studiyası
Bu il məktəbimizdə kiçik və ortayaşlı şagirdlər üçün yaradıcılıq studiyası təşkil edilmişdir. Məktəbimizin bu sahədə ixtisaslaşan bir qrup valideyni öz təşəbbüsü ilə bu studiyanı yaradaraq, şagirdlərə rəsm, qrafika, müxtəlif naxışların çəkilməsi, maraqlı oyuncaqların və əşyaların hazırlanmasını öyrədirlər. Şagirdlər böyük maraqla studiyada toplaşırlar və hazırladıqları əl işlərini həvəslə hamıya nümayiş etdirirlər. Fevralın 17-də məktəbimizdə keçiriləcək Ümumdünya Yaxşılıq gününə həsr olunmuş xeyriyyə aksiyasında şagirdlər əl işlərini satış yarmarkasına çıxaracaqlar. Gələcəkdə şagirdlərin əl işlərindən ibarət sərginin keçirilməsi nəzərdə tutulur.
