Şagirdlərimizin növbəti uğurları
Məktəbimizin şagirdləri fevral ayı boyunca bir çox uğurlara imza atıblar. Belə ki, məktəbimizin 11-ci sinif şagirdi Abdullayev Abdulla Azərbaycan Respublikasının Gənclər və İdman Nazirliyi tərəfindən keçirilən Sambo üzrə idman yarışında I yerə layiq görüldü və diplomla təltif olundu. 4-cü sinif şagirdi Bağırov Sərxan Bakı şəhər Gənclər və İdman Baş İdarəsi tərəfindən keçirilən kiçik yaşlı oğlan və qızlar arasında Badminton yarışında Bakı birinciliyinə layiq görüldü. Məktəbimizin daha bir 4-cü sinif şagirdi Nuriyeva Həcər isə Azərbaycan Respublikasının Gənclər və İdman Nazirliyi tərəfindən keçirilən “Qış kuboku” şahmat yarışında I yerə layiq görüldü və diplomla təltif olundu. Şagirdlərimizi təbrik edir və onlara yeni-yeni uğurlar arzulayırıq!
