Yarımfinalda görüşmək ümidilə!
Fevralın 3-də Bakı məktəbləri üzrə Şən və Hazırcavablar klubunun junior liqasının oyunları keçirildi. Oyunda məktəbimizin “Şəhər uşaqları” komandası 23, 6, 7, 200, 5 nömrəli məktəblərin, akademik Zərifə Əliyeva adına liseyin komandaları ilə görüşdü. Komandalar maraqlı oyun nümayiş etdirdilər. Bütün iştirakçılara və qonaqlara pozitiv və xoş anlar, xatirələr bəxş edən komandamız öz şirin və düşündürücü zarafatları ilə hamının rəğbətini qazandı və yüksək bal toplayaraq junior liqanın final mərhələsinə irəlilədi. Komandamızın üzvlərini : Cavadzadə Natavanı, İsmayılov Kamalı, Osmanlı Xəlili, Qurbanov Əlini, Ağacanov Mövsümağanı, Mustafazadə Aylanı təbrik edir, onlara yarımfinal mərhələsində uğurlar arzulayırıq!
