Şəhidlər Xiyabanına ziyarət
Azərbaycanın suverenliyi və ərazi bütövlüyü uğrunda mübarizədə şəhidlik zirvəsinə ucalan xalqımızın igid oğullarının əziz xatirəsini yad etmək məqsədilə “Ekoerudit” ekoklub üzvləri Şəhidlər xiyabanını ziyarət etmişlər. Gənc ekoloqlar 20 yanvar və Qarabağ müharibəsi şəhidlərinin xatirəsini dərin hörmətlə yad etmiş, məzarların üzərinə çiçək dəstələri düzmüşlər. Azərbaycan əsgərinin şücaəti, zəfər yürüşü, müzəffər ordumuzun Vətən uğrunda savaşı ilə tarixə yazılan qəhrəmanlıq dastanı əsl vətənpərlik nümunəsi kimi məktəblilərin yaddaşında daim yaşayacaq. Ziyarət zamanı qəhrəman qazilərlə görüş və onların döyüş yolları haqqında maraqlı söhbətləri uşaqların qəlbində silinməz iz qoydu.
