10 Oktyabr-Ümumdünya Psixi Sağlamlıq Günü
Hər il oktyabrın 10-u dünyada Ümumdünya Psixi Sağlamlıq Günü kimi qeyd edilir. Məktəbimizin Psixoloqu Günel Mahmudzadə şagirdlərlə sohbətlər apararaq bildirdi ki, psixi sağlamlıq insanın özü və ətrafı ilə harmoniya vəziyyəti kimi müəyyən edilə bilər. Sahədə ən çox rast gəlinən problem psixoloji pozuntuların dəli olmaq, ruhi xəstəlik kimi yanlış adlarla çağırılmasıdır. Psixoloji pozuntular hər hansı bir orqanımızın xəstələnməsi ilə eynidir. Beynimizin kimyasının pozulması ilə başlayır.
Emosional olaraq yaşanan duyğuların və davranışların rasional və ya irrasional olması və ya bir pozuntunun əlaməti olmasını müəyyən etmək həmişə mümkün olmaya bilər. Ancaq psixi sağlamlığın normal olub olmadığını müəyyən edən bəzi xüsusiyyətlər var. Hansı ki, sağlam (rasional) duyğular, sağlam (rasional) düşüncələrin müəyyən edilməsi ilə təyin etmək olar.
