15 Sentyabr-Bilik günü
15 sentyabr... İlk gün ve Bilik günü... Əslində bu iki məqamın eyni tarix altında birləşdirilməsi çox təbiidir, çünki bilik tədrisin məntiqi nəticəsidir, deməli, hər şey məktəbdən başlayır.
Bu gün respublikamızın bütün ümumtəhsil məktəblərində olduğu kimi 18 saylı tam orta məktəbdə də böyük sevinc və həyəcanla qeyd edildi.
Tədbir Azərbaycan Respublikasının Dövlət Himninin səsləndirilməsi ilə açıq elan olundu.
Şagirdlərə ürək sözlərini demək üçün məktəbin direktor müavinləri çıxışlar etdilər. Daha sonra məktəbin xor dərnəyinin üzvlərinin ifasında mahnılar səsləndi, rəqs nömrələri nümayiş edildi. Məktəbə ilk dəfə qədəm qoyan birincilər üçün “İlk zəng” çalındı.
Onu da qeyd edək ki, bu gün məktəbimizdə ilk dərslər “Heydər Əliyev Azərbaycan xalqının qurucusu və yaradıcısıdır!” mövzusunda keçirildi.
