Sonun başlanğıcı...
14.06.2023-cü il tarixdə bütün orta ümumtəhsil məktəblərində olduğu kimi bizim də məktəbimizdə məzunlar üçün "Son zəng" çalındı. Tədbir Azərbaycan Respublikasının Dövlət Himni ilə başladı. Məktəbin direktoru Rəşad Alcanov 11-ciləri bu önəmli gün münasibətilə təbrik edərək tədbiri açıq elan etdi. Daha sonra məktəbimizin şəhid məzunları Ələkbər Ələsgərov və Hüseyn Tağıyevin valideynlərinə söz verildi. Onlar da oz növbələrində, 11-cilərə hər zaman Vətəni və milləti qorumağı, şəhidlərimizə, onların bizlərə ərmağan etdikləri bu torpağa layiqli vətəndaşlar olmağı arzu etdilər.
Məktəbin direktor müavini İlahə Məmmədova da deyilən təbriklərə qoşularaq bildirdi ki, məktəbimiz neçə-neçə ədiblər, sənətkarlar yetişdirib. O, məzunlarımıza onların da adlarının Müşfiq məktəbinin uğur səhifələrində olmasını arzu etdi.
11-cilər bu illər ərzində onların təhsilində, elmə, biliyə yiyələnməklərində əməyi olan bütün müəllimlərə təşəkkürlərini bildirərək müxtəlif rəqs kompazisiyaları ilə çıxışlar etdilər.
Sonda bu günün simvolu olan "Son zəng" 11-cilər üçün son dəfə çalındı. Bu zəng onları sinif otaqlarına deyil, aydın və işıqlı gələcəyə səslədi.
