“Qanlı şənbə gecəsi rənglərin dilində
Yanvarın 19-da məktəbimizdə 20 Yanvar faciəsinin 27-ci ildönümünə həsr olunmuş “Qanlı şənbə gecəsi rənglərin dilində” adlı sərgi keçirildi. O müdhiş gecədə baş verən hadisələr şagirdlər tərəfindən çəkilmiş rəsmlərdə öz əksini dolğun şəkildə tapmışdı. Boya və karandaşlarla çəkilmiş bu rəsmlər gün ərzində şagirdlər,müəllimlər, valideynlər tərəfindən diqqətlə izlənildi. Sərgiyə təqdim olunmuş işlər Yasamal Rayon İcra Hakimiyyətinin, Gənclər və İdman İdarəsinin, “ 20 Yanvar Şəhidləri” Fondunun nümayəndələri tərəfindən qiymətləndirildi. 4-cü sinif şagirdi Məmmədrzayeva Nigarın çəkdiyi şəkil sərginin ən yaxşı rəsm əsəri kimi qiymətləndirildi. Şagirdlərin bu şərəfli tarixə münasibəti bir daha sübut etdi ki, 20 Yanvar qəhrəmanları heç zaman unudulmayacaq!
