Azadlıq Aşiqləri
Bu gün məktəbimizdə 20 Yanvar şəhidlərinin xatirəsinin 27- ci ildönümünə həsr olunmuş” Azadlıq Aşiqləri” adlı ədəbi-bədii tədbir keçirildi. Tədbir iştirakçıları 20 Yanvar qəhrəmanlarının xatirəsini böyük ehtiramla yad etdilər. Onlar bu şərəfli tarixi keçmişi bir daha yad edib, o günlərin qanlı-qadalı xatirələrinə daldılar. Məktəbin direktoru çıxış edərək müstəqilliyə aparan zəfər yolundan, bu yolda verilən qurbanlardan söhbət açdı. Tədbirdə Yasamal Rayon İcra Hakimiyyətinin, rayon Gənclər və İdman İdarəsinin, “ 20 Yanvar Şəhidləri “ fondunun, şəhid ailələrinin nümayəndələri iştirak edirdi. Tədbir şagirdlərimiz tərəfindən hazırlanmış kompozisiya ilə davam etdirildi. Sonra məktəb tərəfindən hazırlanmış qısametrajlı film nümayiş etdirildi. Tədbirin yekununda məktəbimizin ingilis dili müəllimi Fatimə Məmmədovanın şəhidlərin xatirəsinə həsr etdiyi şeirinə çəkilmiş video çarx nümayiş etdirildi.
