Ulu öndər Heydər Əliyevin irsi milli sərvətimizdir
Ulu öndərin 100 illik yubileyi ilə bağlı silsilə tədbirlər davam etməkdədir. Belə ki, məktəbimizin 3b sinfi müəllimləri Rəşidə Osmanovanın təşkilatçılığı ilə ümummilli liderin heyat ve yaradıcılığı ilə bağlı tədbirlə çıxış etdilər. Tədbirdə şagirdlərə bildirildi ki, müstəsna xidmətləri ilə əbədilik qazanan ümummilli lider Heydər Əliyevin mənalı həyat yolu, zəngin və çoxşaxəli irsi tükənməz ibrət məktəbidir. Ötən illərə nəzər salarkən Azərbaycan xalqının öz müdrik liderinin rəhbərliyi ilə qazanmış olduğu mühüm tarixi nailiyyətlərin bir daha şahidi oluruq. İntibah və milli şüurun oyanışı Heydər Əliyevin hakimiyyətə gəlişi ilə başlamış, müstəqilliyimiz məhz onun sayəsində əbədi və dönməz xarakter almışdır. Ölkəmiz dünyada layiq olduğu mərtəbəyə Ulu Öndərin uzaqgörənliyi, müdrikliyi, qətiyyəti, dəmir iradəsi, zəngin dövlətçilik təcrübəsi sayəsində yüksələ bilmişdir.
